Ísrael framt harðligt álop í Gazageiranum

Ísraelsk flogfør lupu í gjár, leygardagin, á mál í Gaza-geiranum, og palestinar sendu fleiri mortarabumbur og rakettir inn í Ísrael.

Hesar seinastu mánaðirnar hevur javnan verið ófriðarligt við markið millum Gaza og Ísrael, og ein palestinskur talsmaður sigur sambært Reuters, at Egyptaland og onnur á altjóða pallinum eru í sambandi við bæði Ísrael og Palestina fyri at fáa vápnahvíld í økinum.