Serdonsk krøv í kunngerðum verða strikað

Serdonsk krøv í kunngerðum verða strikað
Sjóvinnustýrið hevur dagført fimm kunngerðir, tí nýggj krøv eru komin í altjóða sáttmálum
 
22.07.2018 - 14:55

Krøv, sum eru serdonsk, eru eisini strikað í Føroyum. 

Sjóvinnustýrið hevur dagført fimm kunngerðir, tí nýggj krøv eru komin í altjóða sáttmálum, og krøv í rundskrivum frá ES og í altjóða sáttmálum skulu dagførast.

Bági fyri kappingarførið

Men nøkur krøv eru strikað, tí tey eru serdonsk. Myndugleikarnir í Danmark hava fingið frágreiðing frá Deloitte.

Sambært henni eru nøkur krøv serdonsk - tey eru ikki í øðrum londum, og eru tí til bága fyri kappingarførið hjá donsku sjóvinnuni.

Serdonsku krøvini eru í stóran mun eisini galdandi í føroyskari lóggávu.

Varðveita nøkur

Sjóvinnustýrið heldur, at sum heild er tað ein fyrimunur fyri kappingarførið hjá føroysku sjóvinnuni at strika hesi krøv. Og nøkur vórðu strikað í fjør.

Tó eru einstøk serdonsk krøv, sum Sjóvinnustýrið mælir til at varðveita. Sjóvinnustýrið mælir frá at strika kravið um siglingarloyvi fyri skip, sum eru minni enn 500 bruttotons, tí nógv óklassað skip eru minni enn 500 Bruttotons.  

Krøvini eru linkað viðvíkjandi umvælingum á smærri bátum. Tað kann vera torført at finna løggildan undirveitara til smærru bátarnar, tá hesir undirveitarar oftast fáast við størri skip, sigur Sjóvinnustýrið. 

Nú ber betur til hjá reiðarum, sum hava smærri før, at finna skikkað fólk ella skikkaðar fyritøkur at gera umvælingar, uttan at tey neyðturviliga eru løggildað til tess.
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592