Kvinna tikin fyri at ganga við niqab í Danmark

Seinnapartin í gjár vóru tvær kvinnur í Danmark tiknar fyri at ganga við niqab. 

Tað eru bert tríggir dagar síðani, at lógin, sum forbjóðar niqab í almenna rúminum, kom í gildi. 

Lógin, sigur, at øll tey, ið bera niqab, burka ella falskt skegg í almenna rúminum í Danmark fáa 1.000 kr. í bót. Og nú eru tvær kvinnur so longu tiknar fyri at bera niqab. 

Danska løgreglan sigur sambært Politiken, at tey ikki ynskja nakran ruðuleika - tá vit síggja onkran við niqab ella burka biða vit viðkomandi lata seg úr turriklæðnum ella fara heim, sigur løgreglan við Politiken.

Nógvar atfinningar og mótmælisgongur hava verið í sambandi við nýggju lógina, sum kom í gildi mikudagin.