Radio Salt: Víkingaskip skal smíðast, og Pubbin letur upp aftur

Klokkan 19 í kvøld verður aftur sent Radio Salt beinleiðis úr Mentanarhúsinum Salt. 

Sendingin er eisini ein almenn hugnaløta við tónleiki, skemti og áhugaverdum prátum, har øll í Suðuroynni eru vælkomin. Og nógv er á skránni aftur í kvøld. 

Eyðun Nolsøe, sum er heimskendur í Føroyum úr bólkinum Frændum, fer at framføra, og Annika Hvanngarð, ið er nevndarlimur í felagnum Víkingaskip, fer at greiða frá víkingaskipsætlanini á Drelnesi. Annika Hvanngarð fer eisini saman við søgufrøðinginum, Kára Jespersen, eisini at siga frá fólkalívi, mati og enn nýttum staðarnøvnum frá víkingatíð.

Harumframt koma umboð fyri feløgini Garðafelagið í Suðuroynni og Suðuroyar Talvefelag koma á gátt at greiða frá sínum virksemi.

Og so hava vit tey tíðindi, at Pubbin í handlinum hjá Thomsen letur upp aftur. Tað verður gjørt í samstarvi við kommununa og ferðavinnuna á staðnum.

Víkingaskipsætlanin er flutt úr Hovi á Drelnes - skamt frá Mentanarhúsinum Salt. Ætlanin er at byggja eitt víkingaskip á staðnum við norska Gokstadskipinum sum fyrimynd. Eisini fara neyst og skáli at verða bygd, eins og ein smiðja má útvegast. Haraftrat fara vit at tosa um víkingatíðina í breiðari merking.

Suðuroyar Garðafelag verður stovnað til frama fyri urtagarðsbrúk í oynni. Fólk kunnu býta fræ og íblástur, eins og til ber at senda vørur millum limirnar. Tina Grønbech og Guðrun í Lágabø vitja sendingina.

Suðuroyar Talvfelag varð stovnað í 2021, og her í mars telvaði felagið seg upp í triðju deild, tá felagið telvaði seg fram um Havnar Telvingarfelag í seinasta umfari. Skipað felags-telving hevur ikki verið í oynni í mong ár, men áhugin sigst vera rættiliga stórur. Fríði Stenberg, formaður, Ingi Ellingsgaard og Eyðun Nolsøe greiða frá.

Pubbin á Tvørákei letur upp aftur. Tað verður gjørt saman við Visit Suðuroy, sum flytir oman í pubbina í gamla Thomsen handli. Men pubbin er eisini annað enn ein pubb, og tí fer Ansgar Sørensen, fyristøðumaður, at greiða frá.

Fólk eru vælkomin á gátt á Drelnesi, men lurtast kann eisini heima.

Radio SALT byrjar sendingina í kvøld, ónskvøldið, stundisliga klokkan sjey.

Vertir eru Annika Bolton Mortensen, Jákup Magnussen og Gundur Joensen. 

Mentanarhúsið SALT og Kringvarp Føroya standa fyri framleiðsluni.