Krúnprinsahúskið vitjar Norðoyggjar

Klokkan 9 leggur kongaskipið Dannebrog at í Klaksvík, har Jógvan Skorheim borgarstjóri tekur ímóti. 

Í Klaksvík skal krúnprinsafamiljan millum annað vitja Biskupstorgið, og síggja ætlanirnar um nýggja miðbýin í Klaksvík. Harumframt verður Edward Fuglø hjástaddur við einari framsýning.

Klokkan 12 fara kongaligu gestirnir við tyrlu úr Klaksvík út á Kirkju har Amalia í Frammistovu, borgarstjóri, tekur ímóti,og úr Kirkju verður koyrt til Hattarvíkar.

Klokkan knapt hálvgum fýra verður farið við tyrlu úr Hattarvík til Mikladals har Jógvan Skorheim, borgarstjóri, aftur tekur ímóti saman við konu sínari.

Eftir móttøkuna verður vitjað í húsunum, haðan kópakonan er. Søgnin um kópakonuna verður søgd, og síðani fer fylgið oman til standmyndina av Kópakonuni.

Klokkan trýkorter til fimm eru krúnprinsahúskini aftur í Klaksvík og koyra aftur til Dannebrog.

Jógvan Skorheim verður vertur fyri døgurða klokkan hálvgum átta, og Dannebrog fer av Klaksvíkini klokkan 22.40.