Fíggjarlógin løgd fram í morgin

Uppskotið til løgtingsfíggjarlóg fyri 2018 verður lagt fram í morgin.

Uppskotið skal verða lagt fyri Løgtingið fyri 1.oktober. Tað er mánadagin, og tí skal uppskotið leggjast fram í morgin.

Tíðindafundur verður klokkan 10 í morgin, tá landsstýriskvinnan í fíggjarmálum, leggur uppskotið fram. 

Hetta er seinasta uppskot til fíggjarlóg, áðrenn Løgtingsval aftur skal vera. Løgtingsval skal vera í seinasta lagi 1.september komandi ár.

Løgtingið fer at hava fyrstu viðgerð av uppskotinum mikudagin 3.oktober.

Uppskotið skal verða endaliga samtykt við triðu viðgerð innan árskiftið, tí nýggja fíggjarlógin er galdandi frá 1.januar.