Russarar vilja ikki hava laks frá Bakkafrosti

Russisku matvørumyndugleikarnir fara at steðga innflutningi frá Bakkafrosti á Glyvrum um eina viku, hevur Bakkafrost boða keypsskálanum í Oslo frá.

Orsøkin er, at bakteria er funnin í einum sýni av fráskurði, sum varð innfluttur til Russlands.

Heilsufrøðiliga starvsstova fer nú at kanna málið og svara russarum í næstu viku. 

Bakkafrost sigur, at felagið kann selja laksin á øðrum marknaðum.