- Tíðindi, mentan og ítróttur
Bilasølan setur met
Bilasølan setur met
Bilasølurnar í Føroyum hava jól og góðar dagar. Sølan er trífaldað eftir bara níggju árum
Nýggir bilar ganga sum heitt breyð í løtuni. Ongantíð fyrr hava bilasølurnar í Føroyum selt so nógvar bilar sum í ár
02.12.2018 - 17:41
Tá 2018 er av, hevur bilasølan í Føroyum sett met. Tað er longu greitt, hóast árið ikki er liðugt enn. Tað vísa tølini hjá Akstovuni fyri 11 teir fyrstu mánaðirnar í 2018.
Higartil hevur Akstovan skrásett 2.010 nýggjar persónbilar í ár. Ongantíð fyrr eru so nógvir nýggir bilar seldir í Føroyum eftir bara einum ári, vísa nýggjastu tølini.
Longu nú eru 200 fleiri nýggir bilar skrásettir í Føroyum enn alt árið í fjør, vísa nýggjastu tølivi. Alsamt fleiri nýggir bilar verða seldir í Føroyum.
Í 2009 vórðu 697 nýggir bilar seldir í Føroyum. Sostatt er bilasølan í Føroyum trífaldað bara tey seinastu níggju árini, sæst í hagtalsgrunninum hjá Akstovuni.
Er kopiera
Nýggjastu sendingar í ÚV
Nýggjastu sendingar í SV
