- Tíðindi, mentan og ítróttur
Metstór tilmelding til Filmskvøldið
![](https://kvf.fo/sites/default/files/styles/grein-ovasta-mynd/public/geytin_1.jpg?itok=GK51DrOf)
Norðurlandahúsið boðar í dag frá, at tilmeldingin til árliga Filmskvøldið er størri enn nakrantíð áður.
Tá freistin var úti á midnátt mánadagin 3. desember, vóru 28 filmar meldaðir til Filmskvøldið. Ongantíð fyrr hava so nógvir filmar luttikið.
28 stuttfilmar fara sostatt at kappast um Geytan og Áskoðaravirðislønina, tá Filmskvøldið fer av bakkastokki tann 23. februar 2019.
Kravið til ein stuttfilm er, at hann ikki eru longri enn 30 minuttir. Ein stuttfilmur kann vera spælifilmur, listafilmur, tónleikafilmur, heimildarfilmur ella annað, tó ikki lýsingarfilmur.
Filmsnevndin sigur, at trý metingarvirðir verða brúkt í dømingini, og tey eru: søga, filmisk frásøgusnildi og handverk.
Tað er Bank Nordik, sum letur Geytavirðislønina, meðan áskoðararnir á Filmskvøldinum velja vinnaran av Áskoðaravirðislønini.