Kristin ikki sett dupultmandatið á skrá enn

Meðan borgarstjórin var í feriu, samtykti meirlutin í býráðnum, at Kristin Michelsen skal velja, um hann vil sita í borgarstjórasessinum, ella um hann vil sita á løtingi. 

Hesa avgerðina vildi meirlutin hava at vita á komandi býráðsfundi, sum altso verður mikukvøldið klokkan 19.

Men hóast meirlutin í síðstu viku heitti á borgarstjóran um at seta sína avgerð á skrá fyri fundin, so er tað ikki gjørt. Tað sæst á almennu fundarskránni á heimasíðuni hjá Tvøroyrar Býráði.

Har stendur bara eittans mál á skrá, og tað er "samanbering av skattatølum".