Leita eftir rennara í Runavík

Hendingin fór fram í Runavík 12. november um 5-tíðina seinnapartin á Mýravegi - beint sunnanfyri Gerðisveg, har ein bilur møguliga hevur rent á ein drong á rennihjóli. 

Jan Poulsen, økisleiðari fyri løgregluna í Norðurøkinum, sigur, at rennarin tosaði stutt við drongin og við bilføraran, men ikki er greitt, hvør hesin maðurin er.

Løgreglan vil fegin vita, hvat hann veit um málið, og heitir tí á hann um at seta seg í samband við løgregluna.

Løgreglan hevur tlf. 114.