Sigfríður Clementsen venjari hjá FC Suðuroy

Nú er greitt, at Sigfríður Clementsen verður venjari hjá FC Suðuroy komandi kappingarár.

Sigfríður Clementsen verður eisini venjari hjá Fótbóltsakademi Føroya, skrivar FC Suðuroy á sínari heimasíðu.

45 ára gamli Sigfríður Clementsen, sum hevur UEFA A-prógv, hevur fyrr verið venjari hjá B36, ÍF, AB, EB/Streymi, HB, TB og Víkingi.

-Vit eru sera fegin um at hava fingið ein av allarbestu venjarunum í landinum til felagið, sigur Julius Vest Joensen, formaður í FC Suðuroy.

FC Suðuroy skal í ár spæla í triðbestu landskappingini, 2.deild.

Sigfríður Clementsen byrjar í starvinum 1.februar