Endalig avgerð í dag um almennar varskógvarar

Í dag verður avgjørt, um vit fáa eina varskógvaraskipan í Føroyum tann 1. mars í ár.

Løgtingið hevur í dag triðju viðgerð um lógaruppskotið hjá Kristinu Háfoss, landsstýriskvinnu, um varskógvaraskipan hjá alment settum fólkum.

Uppskotið varð samtykt eftir aðru viðgerð í síðstu viku. 

Tað fekk 14 atkvøður frá samgonguni og Magna Laksáfoss, sum er utttanflokka. 

11 atkvøddu ímóti, teirra millum var Kristin Michelsen, sum var í samgonguni. 

Tingið fer í dag eisini at viðgera uppskotið til samtyktar um at seta í gildi í Føroyum 27. januar sum almennan minningardag um Holocaust og onnur fólkadráp.

Fólkaflokkurin eigur hetta uppskotið.

Fyri trimum mánaðum síðani spurdi Óluva Klettskarð, løgtingskvinna, um byrgingina um Haraldssund.

Í dag fær hon svar frá Heðini Mortensen, landsstýrismanni.