Nógvir rykkjarar einki svar enn

Nógvir rykkjarar einki svar enn
Kommunala eftirlitið í Innlendismálaráðnum hevur ikki fingið endaliga frágreiðing frá Klaksvíkar kommunu um Biskupstorg
Biskupstorg í Klaksvík.
 
20.02.2019 - 13:12

Hóast fleiri rykkjarar eru sendir, hevur Kommunala eftirlitið í Innlendismálaráðnum ikki fingið endaliga frágreiðing frá Klaksvíkar kommunu um Biskupstorg.

Men tilfarið er á veg, sigur Jógvan Skorheim, borgarstjóri í Klaksvíkar kommunu.

Klaksvíkar kommuna hevur avgjørt at brúka sjálvsognarstovnin undir Kráarbrekku at keypa handilshølini í veghæddini í Biskupstorgi, sum Bústaðir hava bygt.

Kommunan ætlar síðani at leiga handilshølini frá sjálvsognarstovninum undir Kráarbrekku og leiga tey útaftur.

Hetta vil Kommunala eftirlitið frætta meira um.

Gamalt mál

Málið er ikki nýtt. Tað byrjaði í november í fjør.

Men enn er tað ikki liðugt. 

Jógvan Skorheim sigur, at síðst í næstu viku verður okkurt nýtt at frætta.

30 íbúðir eru í Biskupstorgi. 

Leigararnir skuldu upprunaliga sleppa at flyta inn í fjør.

Men teir eru ikki slopnir inn enn, tí arbeiðið er ikki liðugt.

Er kopiera
Nýggjastu sendingar í ÚV
Sunnudag 13. juli
Guðstænasta í Skála kirkju
194405
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Nýggjastu sendingar í SV