Børn verða kunnað um síni rættindi

Mánadagin og týsdagin hittast skúlanæmingar í 7. flokki at fáa meira kunning um ST-barnarættindasáttmálan.

Hetta verður á árligu barnarættindadøgunum, sum verða hildnir í Norðurlandahúsinum.

Á døgunum fáa næmingarnir kunning um ST-barnarættindasáttmálan, og hvat hesin sáttmálin merkir.

Í sambandi við tiltakið fara eitt nú Barnabati, Sinnisbati og Blái Krossur at hava framløgur. Harafturat er eisini tónleikur og annað undirhald á skránni.

Hetta er fjórða árið á rað, at Norðurlandahúsið skipar fyri Barnarættindadøgum.