Bora eftir hita

Løgtingið skuldi aftur í dag viðgera grøna orku. Men tingfundurin í dag er avlýstur fyri veður.

Eitt uppskot til samtyktar hjá Sambandsflokkinum um jarðhita og orkuloysnir, sum kunnu gagnnýta heita vatnið í føroysku undirgrundini til at hita sethús, var í dagsskránni hjá tinginum í dag.

Sambandsflokkurin vil hava løgtingið at heita á landsstýrið um at leggja fyri løgtingið uppskot um lóg, sum skal seta ferð á alternativa og grøna orku til at hita sethús.

Eiga at sleppa undan mvg

Lógin skal leggja serligan dent á vanligan jarðhita og at gagnnýta heita vatnið í føroysku undirgrundini.

Sambandsflokkurin sigur, at tað almenna eigur alt fyri eitt at bora og kanna, hvar heitasta vatnið er í undirgrundini í Føroyum.

Hitaloysnirnar, sum Sambandsflokkurin mælir til, eiga at sleppa undan meirvirðisgjaldi og fáa bíligari streymin frá SEV, heldur flokkurin.