- Tíðindi, mentan og ítróttur
Dýr bygging í Hoyvík
Dýr bygging í Hoyvík
Býráðið í Havn er í tvíningum um umlættingarheimið við Rólantsgøtu í Hoyvík. Minnilutin heldur, at heimið kostar ov nógv
Tórshavnar býráð er í tvíningum um umlættingarheim. Tað er ov dýrt, heldur minnilutin
04.04.2019 - 12:57
Heimið kostar 84 milliónir krónur. Bygningurin er íalt 2.223 fermetrar til støddar, sambært MT Højgaard, ið hevði lægsta tilboðið.
Tað svarar til 37.700 krónur fyri fermeturin - tá er kostnaðurin fyri innbúgvið tikin við í prísin.
Men meirilutin í býráðnum samtykti hóskvøldið at samráðast við byggifelagið MT Højgaard um umlættingarheimið og endurvenjingarmiðstøðina í Hoyvík.
Ætlanin er millum annað at fáa prísin niður.
Málið skal aftur í býráðið
Byggingin varð boðin út í innbodnari lisitasjón. Hini feløgini, sum vórðu boðin við, vóru Húsavarðatænastan og Articon.
Tá samráðingarnar við MT Højgaard eru lidnar, skal málið aftur í býráðið. Endalig støða er ikki tikin enn, sigur meirilutin í býráðnum.
Er kopiera
Nýggjastu sendingar í ÚV
Nýggjastu sendingar í SV
