Arbeiðið tikið uppaftur

Arbeiðið tikið uppaftur
Loysn er funnin á, hvar nakað av eyrinum frá útgrevstrinum, nú nýggj rennibreyt verður gjørd í Klaksvík, kann gagnnýtast
 
25.06.2019 - 08:35

Arbeiðið, at gera rennibreyt í Klaksvík, er tikið uppaftur, nú loysn er funnin á, hvar nakað av eyrinum frá útgrevstrinum kann gagnnýtast

Nakað av eyrinum verður koyrdur norð á Grønhøvda, har nýggja endurnýtslan skal halda til. Økið rundan um Grønhøvda verður harumframt hækkað við umleið tveimum metrum og samstundis fríðkað.

Endurnýtsluplássið endurskipast

Verandi endurnýtslupláss á Bumshamri skal tí endurskipast soleiðis, at stóra sárið í fjallinum verður fylt upp, so økið aftur kann gerast vakurt, skrivar Klaksvíkar kommuna. Avgrevsturin hevur verið koyrdur í grótbrotið á Bumshamri, men har varð farið at fyllast.

Ruskmóttøkan er eisini í hesum grótbrotinum, og um meira avgrevstur skal fyllast í grótbrotið, er neyðugt at flyta ruskmóttøkuna, og hon verður flutt til Grønhøvda.

Spakin varð settur í fyri rennibreytini tíðliga í oktober í fjør, men arbeiðið hevur ligið stilt í átta mánaðir, tí tað slapst ikki av við avgrevsturin. Kostnaðarætlanin fyri at gera nýggju rennibreytina í Klaksvík, er umleið 36 milliónir krónur, sambært kommununi.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592