Bygnaðarbroytingar kostaðu 800.000 krónur

Nógv umrøddu bygnaðarbroytingarnar á Umhvørvisstovuni, sum at enda kostaði stjóranum sessin, kostaðu stovninum 800.000 krónur til uttanhýsis ráðgeving. Hetta vísir eitt innlit, sum Kringvarpið hevur fingið.

Avtalan við uttanhýsis ráðgevan skuldi vera við til at menna 60 starvsfólk og leiðslubólkin á stovninium, sum millum annað minkaði tá samanum kom og ein deildarleiðari varð uppsagdur. Tað hendi tá deildirnar fyri matrikul og tinglýsing vórðu lagdar samam og ein deildarleiðari leyp av.

So stór arbeiði vera vanliga boðin út, men tað valdi Umhvørvisstovan ikki at gera.

Bygnaðarbroytingar steðgaðar

Petur Nielsen, sum ikki longur er stjóri á Umhvørvisstovuni, sigur í eini skrivligari viðmerking, at slagið og óvissan um vavið av stovnsmetingini gjørdi, at tað ikki av byrjan bar til at bíleggja ráðgevingina sum eina heildarveiting.

Ístaðin varð gjørd ein avtala um samstarv, sum kundi halda uppat, tá stovnurin ynskti at steðga tilgongdini.

Samstundis sum Petur Nielsen er koyrdur til hús við fráfaringaravtalu, hevur Heilsu- og Innlendismálaráðið avgjørt at steðga teimum bygnaðarbroytingum, sum stjórin ætlaði at fremja.