Boðið út av nýggjum

Vestmanna kommuna bjóðar nú út aftur Kolastykkið og økið, har Turkihúsið er, til íbúðabygging, gistingarhús ella til handil.

Hetta er aðru ferð, stykkið og húsið verða boðin úr.

Orsøkin er, at freistin fyrru ferðina var ov stutt. Hon var bara ein mánað.

Pauli Trond Petersen, borgarstjóri, sigur, at áhugi var fyri ognunum ta ferðina. Í hvussu so er fýra fyrispurningar vóru.

Nú er freistin til 19.august á middegi.

Treyt slept 

Og kommununan hevur slept treytini um, at Turkihúsið skal takast niður skjótast gjørligt, og í seinasta lagi áðrenn hetta árið er liðugt.

Treytin er, at byggingin skal byrja í seinasta lagi eitt ár eftir, at tikið er av tilboði og sáttmáli gjørdur.

Á fundi 27.august tekur bygdarráðið støðu til tilboðini.

Ein arbeiðsbólkur viðger tilboðini og ger tilmæli til bygdarráðið.