Óansi orsøkin til arbeiðsvanlukku

Óansi orsøkin til arbeiðsvanlukku
Høvuðsorsøkin til arbeiðsvanlukkuna á byggiplássinum hjá Varðanum Pelagic á Tvøroyri var óansni ella ósketni hjá tí, sum doyði í vanlukkuni
Varðin Pelagic skuldi byggjast upp aftur eftir eldsbrunan.
 
10.07.2019 - 12:41

Høvuðsorsøkin til arbeiðsvanlukkuna á byggiplássinum hjá Varðanum Pelagic á Tvøroyri var óansni ella ósketni hjá tí, sum doyði í vanlukkuni.

Vanlukkan hendi seinnapartin 21.juni í fjør. Ein 55 ára gamal maður doyði, tá hann kom fyri eina koyrandi lyftu.

Arbeiðs- og brunaeftirlitið hevur nú gjørt endaliga niðurstøðu um málið. 

Niðurstøðan er, at arbeiðsgevarin hjá manninum, sum doyði, smápartafelagið MTV Byggivirki, hevur ikki brotið arbeiðsumhvørvislógina.

Arbeiðs- og brunaeftirlitið ger ikki meira við málið. Tað fer heldur ikki at mæla fútanum til at gera meira við málið. 

Var í ferð við ringja

Kanningar vísa, at maðurin, sum doyði, var í ferð við at ringja til arbeiðsgevaran, tá vanlukkan hendi. Hann var farin burtur frá manninum, hann arbeiddi saman við, fyri at ringja.

Arbeiðs- og brunaeftirlitið sigur, at maðurin, tá hann fór at ringja, var farin ov nær við lyftuna beint áðrenn, hon fór at koyra. Maskinan hevur skumpað hann um koll, og síðani hevur hon koyrt yvir hann.

Talan var um stórt óansni hjá manninum, sum hevði umfatandi royndir á byggiplássinum, sigur Arbeiðs- og brunaeftirlitið.

Tann, sum koyrdi lyftuna, hevði ikki møguleika at síggja mannin. 

Tá hann hugdi farmeftir, áðrenn hann fór at koyra beint fyri vanlukkuna, sá hann ongan við lyftuna.

Eingi vitni vóru til vanlukkuna.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592