Umleið 4.000 dripin ella særd í Afganistan í ár

Tað staðfestir ein frágreiðing hjá ST, sum er kunngjørd í dag, skrivar DR. Tað eru munandi fleiri sivilfólk, sum eru dripin av annaðhvørt stjórnini ella NATO, sigur sama frágreiðing.

Frágreiðingin verður kunngjørd samstundis sum umboð fyri USA og taliban eru farin undir avgerandi samráðingar um at fáa enda á 18 ára langa krígnum í landinum. 

Amerikonsku samráðingarfólkini hava givið til kennar, at tey vilja fáa eina avtalu í lag áðrenn 1. september. Men meðan samráðst hevur verið, økist talið av deyðum og særdum alsamt.