Eftirkanna nú hitamátingar

Veðurstøðin hjá donsku veðurstøðini Danmarks Meteorologiske Institut sigur, at tey mátaðu 4,7 stig. So heitt hevur tað ongantíð verið har áður.

Hesi tøl skulu nú eftirhyggjast og sammetast við aðrar mátingar, sum ein amerikonsk veðurstøð hevur gjørt sama stað.

Eisini heitt aðrastaðni

Men tað er ikki bara á innlandsísinum, at tað er heitari enn vanligt í Grønlandi nú um dagarnar. Í Upernavík máldu tey 22,6 stig í farnu viku.

Mesti hitin í Upernavík, sum annars er mátaður, er 20,3 stig. Tað sama ger seg galdandi í landnyrðingspartinum í Grønlandi.

Í Danaborg mátaðu tey 18,8 stig herfyri. Áðrenn tað var tað mesta, tey høvdu mátað, 18 stig. Hesi tøl verða nú eisini eftirkannað.