Fleiri eftirlønir til tænastufólk og lærarar

Fíggjarmálaráðið metti skeivt, tá tænastumannaeftirlønir vórðu settar í fíggjarlógina fyri 2018.

Í fíggjarlógini eru 118 mió. kr.

Men brúktar vórðu næstan 123 milliónir.

Fleiri tænastufólk fóru frá við eftirløn, enn mett varð í fíggjarlógini.

Kann ikki broytast 

Biðið varð tó ikki um eykajáttan, tí løgtingið kann ikki broyta lógina, so útreiðslurnar eru minni, hevur Landsgrannskoðanin fingið at vita úr Fíggjarmálaráðnum.

Sjey sløg av tænastumannaeftirlønum eru.

Størstu frávikini millum játtan og nýtslu í fjør eru hjá tænastufólkum, sum fingu 2,2 milliónir meira í eftirløn enn játtað í fíggjarlógini, og hjá lærarum, sum fingu 3,3 milliónir krónur meira enn játtað í fjør.

Tænastumannaeftirlønir eru lógarbundin játtan.