Sendistovan í Beijing nakrar vikur seinkað

Sendistovan í Beijing nakrar vikur seinkað
Føroyska sendistovan í Beijing, sum skuldi lata upp 1.august, er ikki latin upp enn. Men tað verður fyrsta dagin
Sigmundur Ísfeld, føroyskur sendimaður í Fjareystri
 
10.08.2019 - 15:06

Føroyska sendistovan í Beijing, sum skuldi lata upp 1. august, er ikki latin upp enn. Men tað verður um ikki so langa tíð. Væntandi letur sendistovan formliga upp í september.

Sendimaðurin, Sigmundur Ísfeld, fer úr Keypmannahavn til Beijing í morgin. Hann er so líðandi byrjaður at arbeiða sum føroyskur sendimaður í Fjareystri.

Men hølisviðurskiftini eru ikki rættiliga komin í lag enn. Sum er er ikki pláss fyri føroysku sendistovuni í donsku sendistovuni í Beijing. Men arbeitt verður við tí. Allir formalitetir eru heldur ikki avgreiddir enn.

Eitt borð at byrja við

Í fyrsta umfari fær føroyski sendimaðurin eitt borð á donsku sendistovuni. Føroyska sendistovan í Beijing verður á sama stað sum tann danska.

Tríggjar milliónir krónur eru í fíggjarlógini 2019 til føroyska sendistovu í Fjareystri. Í fíggjarlógini stendur, at áhugin fyri at flyta út alilaks og annan fisk til londini í fjareystri er vaksandi.

Útflutningurin til Kina er fleirfaldaður seinnu árini, men áhugi tykist eisini vera fyri marknaðum í londum sum Suður Korea og Japan.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592