Missa Ternuna í tvær vikur

Nólsoyingar missa nú aftur Ternuna í tvær vikur í minsta lagi.

Ternan skal sigla í Skopunarfirði, tí Teistin fer á beding.

Hetta verður um eina viku, næsta mánadag, upplýsa Strandfaraskip landsins.

Ternan fer at sigla sambært ferðaætlanini hjá Teistanum. 

Jósup

Jósup, sum gevst við Mykinessiglingini 1.september, siglir fyri Ternuna í Nólsoyarfirði.

Jósup tekur 88 ferðafólk, men ongar bilar.

Jósup siglir eftir ferðaætlanini hjá Ternuni.

Sam siglir við farmi týsdagar og hósdagar, kl.11:15 úr Havn og 12:15 úr Nólsoy.

Teistin verður væntandi á beding í tvær vikur, til mánadagin 16.september.