Fyrireika starvslýsing eftir rektara

Fyrireika starvslýsing eftir rektara
Mentamálaráðið er farið at fyrireika lýsingina eftir nýggjum rektara til Glasir. Bíðar tó eftir nýggjum landsstýri, áðrenn lýst verður
Rektarin fór frá degi til dags, hóast uppsagnartíðin er 90 dagar.
 
06.09.2019 - 12:14

Mentamálaráðið er farið at fyrireika lýsingina eftir nýggjum rektara til Glasir.

Søkt verður eftir rektara fyrsta dagin, sigur Poul Geert Hansen, aðalstjóri í Mentamálaráðnum.

Men møguliga verður bíðað, til nýtt landsstýri er skipað, sigur hann.

Bogi Bech Jensen, sum seinastu fýra árini hevur verið rektari á Glasi, segði seg úr starvinum fyrst í vikuni.

Hann hevur tríggjar mánaða uppsagnarfreist. Men hann vildi gevast frá degi til dags. Og tað eftirlíkaði Mentamálaráðið.

Steinbjørn Hardlei, umsitingarstjóri á Glasi, er virkandi rektari, til nýggjur rektari er settur.

Samanlegging veruleiki

Hann fer at kunna heita á Boga Bech Jensen í uppsagnartíðini, í tríggjar mánaðir. 

Bogi Bech Jensen sigur í uppsøgn sínari, at nú er samanleggingin vorðin veruleiki.

Skúlin og rektarin eru tí komnir til eitt vegamót, sigur Mentamálaráðið í tíðindaskrivi. 

Føroya studentaskúli og HF-skeið, Føroya handilsskúli og Tekniski skúli í Havn vórðu lagdir saman í Glasir í 2015. 

11 umsóknir vóru til starvið, tá Bogi Bech Jensen bleiv fyrsti rektarin á Glasi 1.august í 2015.


 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592