Lægri renta í Evropa

Bloomberg News skrivar, at bankin fer at lækka innlánsrentuna niður í minus 0,50 prosent. Rentan er í løtuni minus 0,40 prosent. Rentan varð lækkað í 2016.

Negativa rentan er rentan, sum bankar í evru-londum rinda fyri at hava avlopspening standandi í evropeiska miðbankanum.

Rentan hevur eisini stóran týdning fyri samanspardan pening og bústaðarlán. Búskaparfrøðingar siga, at hóast búskapurin í Evropa veksur, eru tekin um, at gongdin vendir.

Teir vísa á handilskríggið millum USA og Kina og avleiðingarnar av Brexit. Lækkar rentan, fer tað at eggja bankunum til, at læna enn meira út, og tað skal fáa gongd á búskapin.