Heimafriður vent sær til Umboðsmannin

 Bæði Heimafriður og fleiri borgarar hava sent kommununi kærur, uttan at fáa svar. Og hetta er ikki í lagi, siga fleiri borgarar, sum ikki longur kenna seg heima í kommununi.

17 kærur

Heimafriður hevur síðani felagið varð stovnað fyri átta mánaðum síðani, sent áleið 17 kærur til Runavíkar kommunu uttan at fáa nakað svar. Og tí hevur felagið nú vent sær til umboðsmannin. 

Sjálvt um kommunan ikki hevur brúkt so nógva orku upp á at svara kærum frá borgarum um ljóðdálking, hevur Runavíkar kommuna arbeitt nógv við málinum.

Tað sigur Tórbjørn Jacobsen, og vísir á, at har manglar ein heildarætlan, sum skal basa ljóðdálking - ikki bara í kommununi - men um alt landið.