- Tíðindi, mentan og ítróttur
Fleiri ferðafólk gav meir í kassan
<div>Orsøkin er rætt og slætt fleiri ferðafólk, 14 prosent fleiri enn í fjør. Og Atlantic Airways ásannar, at bíligir ferðaseðlar geva fleiri ferðafólk. Ferðafólkini vóru næstan 5.000 fleiri í ár. Fleiri bíligari ferðir vóru høvuðsorsøkin, sigur flogfelagið í tíðindaskrivi. Harafturat vóru páskirnir fyrr í ár enn í fjør. </div><div><br></div><div>Úrslitið hjá Atlantic Airways í fyrsta ársfjórðingi var 2,7 mió. kr. í halli eftir skatt. Hallið er 1,6 milliónir minni enn í fjør. Felagið væntar betri úrslit í ár enn í fjør. Rentan á bústaðarlánum lækkar, og ferðaavgjaldið til landskassan lækkar eisini.</div><div><br></div><div>Men fyrivarni skal takast fyri óvæntaðum útreiðslum og herdari kapping, sigur Magni Arge, stjóri í Atlantic Airways. 19.juni hevur Atlantic Airways eykaaðalfund at velja nevndarlim. </div><div><br></div><div><b>Willumsen úr nevndini</b></div><div>Síðan 2009 hevur Jens Wittrup Willumsen verið nevndarlimur í Atlantic Airways. Hann er eisini </div><div>nevndarformaður í Grønlandsfly, Hann heldur tað ikki longur vera hóskandi at vera í báðum nevndunum. </div><div><br></div><div>Hann fer tí úr nevndini hjá Atlantic Airways í dag. Tí skal felagið hava nýggjan nevndarlim á eykaaðalfundinum 19.juni.</div><div> </div><div>Í næsta mánaði fær Atlantic Airways eitt Airbus-flogfar afturat.</div><div><br></div><div> </div><div><br></div>