Eivør um G!: "Upprunaligi G!-andin er væl varðveittur"

Eivør og G! festivalurin hanga saman. 

Eivør, ið er uppvaksin í Syðrugøtu, spælir hvørt ár á G!, og sum limur í Clickhaze, so var Eivør við til at seta G! festivalin á stovn í 2002, og fyriskipa festivalin fyrstu árini. 

Í Kringvarps-dokumentarinum "Millum himmal og helviti" frá 2017, ið snýr seg um G! festivalin, mintist Eivør Pálsdóttir aftur á fyrstu árini við G! festivalinum. 

"Um tú spyrt meg, hvør sálin í G! er, so er tað hesin eldurin at vilja gera nakað, ið er gott og umráðandi. Tað snýr seg um dygd og góðan tónleik. Eg haldi, at tú enn merkir væl upprunaligu G!-andan, hóast G! í dag er vorðið eitt nógv størri tiltak."

SÍ EISINI: Jón Tyril um upphavið til G!: Tvey tiltøk smeltaðu saman til G! festivalin

Eivør G! 2003

Eivør Pálsdóttir framførir á G! 2003. Kenda tónlistakvinnan var við til at stovna G! og fyriskipa festivalin fyrstu árini (Myndir: Úr Kringvarpssavninum)

SÍ EISINI: "Millum himmal og helviti", KVF-dokumentarur frá 2017

Eivør vísir eisini á, at startskotið til G! brast úr tí sannroynd, at tað ikki vóru nakrir uttandura festivalar í Føroyum um tað mundið, har tónleikurin var í hásæti. 

200 ár G! 2003

Tað vóru okkurt um 50 fólk og ein hundur til fyrstu konsertina hjá 200 á G! í 2003 (Mynd: Úr dokumentarinum "Millum himmal og helviti")

LES EISINI: G! 2025: Liggið ikki sjóvarfallið av tykkum