Fútarætturin inn í Fámará-málið hesa vikuna

Jóhan Dalsgaard og Rúni Jacobsen, sum báðir sambært Fólkayvirlitinum búgva í Fámara, fingu freist til mánadagin at fara. Men í gjár fingu stjórin og umsitingarleiðarin á Búnaðarstovuni váttað, tá teir framvegis vóru í Fámara.

Húsdjór og fenaður
Jóhan Dalsgaard kærdi avgerðina hjá Búnaðarstovuni um at biðja hann fara av festinum. Men Fiskimálaráðið staðfesti avgerðina.

Jóhan Dalsgaard og Rúni Jacobsen eru eisini bidnir um at taka øll síni húsdjór og sín fenað av festinum.

Fær Búnaðarstovan viðhald í Fútarættinum, kann Fútarætturin heita á politiið um at hjálpa sær við at fremja úrskurðin hjá Fútarættinum, vilja fólkini framvegis ikki flyta úr Fámara.

Johan Dalsgaard kærdi eisini avgerðina hjá Búnaðarstovuni um at lata Jens Hera Jacobsen í Sumba fáa festið í Fámara og bað um, at kæran fær steðgandi virknað.

Fiskimálaráðið hevur ikki tikið støðu til ta kæruna enn.