Hitamet í Grønland

Tað skrivar danska blaðið Jyllands-Posten á heimasíðu síni.

Tað var ein veðurstøð í Maniitsoq, nakrar hundrað kilometrar norðan fyri Nuuk, sum máldi nógva hitan.

25,9 stig er mesti hitin, sum danski veðurstovnurin DMI hevur mált, síðan stovnurin í 1958 byrjaði at máta hitan í Grønlandi.

Gamla metið var 25,5 stig, sum varð mált 27. juli í 1990 í Kangerlussuaq.

Orsøkin til nógva hitan í Grønlandi týsdagin var, at eitt hátrýst lá yvir landinum, og samantvinna við eitt lágtrýst vestan fyri Grønland, hevði tað vind av útsynningsi við sær, og tað gav eitt sokallað føhn-árin.

Føhn-árinið merkir, at luftin gjørdist óvanliga turr, og at vætan í luftini hevur verið heilt niður í 20 prosent.

Umframt turru luftina, so kann speglingin av sólini í havinum eisini hava havt sína ávirkan á nógva hitan, tí Maniitsoq liggur við havið, skrivar JyllandsPosten.