Keypmannahavnar universitet fær gott skotsmál

Sjey norðurlendsk universtitet eru millum hundrað tey bestu á listanum hjá Jau Tong universitetinum í Sjanghei, sum ger ein lista við 400 teimum bestu universitetinum í heiminum.

Sum vant eru átta universitet í USA og tvey í Onglandi á topp tíggju.

Harvard nummar eitt

Heimsins besta universitet er, sambært Jau Tong, Harvard í USA. Cambridge í Onglandi er nummar fimm og Oxford er nummar tíggju.

Karoliinska í Stokkhólmi er nummar 44 og longur niðri eru Oslo, Uppsala, Helsingfors, Århus og Stokkhólmur.