Innlendismálaráðið niðurlagt - onnur ráð umsita málsøkini

Innlendismálaráðið verður niðurlagt, og økini, sum hetta aðalráðið hevur umsitið, verða løgd til onnur stjórnarráð at fyrisita.

Tað kunnger Kaj Leo Holm Johannesen, løgmaður, fyri løtu síðani.

Fyrisitingin av málsøkjunum verður broytt soleiðis: Løgmál og lógareftirlit fara til Løgmansskrivstovuna, útlendingamál og ferðslumál fara til Vinnumálaráðið, kommunumál fara til Almannamálaráðið, undirstøðukervismál fara til Fíggjarmálaráðið, umhvørvismál fara til Fiskimálaráðið og familjurættarmál fara til Heilsumálaráðið.

Starvsfólkini í Innlendismálaráðnum verða í høvuðsheitum flutt samsvarandi flytingunum av málsøkjum, stendur í fráboðanini frá løgmanni.