Halda seg vita hvussu Madeleine varð rænd

Halda seg vita hvussu Madeleine varð rænd
Scotland Yard er farin undir egnar kanningar, og leiðslan hevur sagt, at stór framstig eru gjørd
Madeleine hvarv í Portugal 3. maí í 2007
 
09.10.2013 - 15:06

Bretska løgreglan sigur seg ein av fyrstu døgunum at fara at almannakunngera eina mynd av einum manni, sum er undir illgruna fyri at hava rænt smágentuna, Madeleine McCann.

Tað upplýsir Sky News.

Í summar fekk Scotland Yard loyvi til at byrja sína egnu kanningar av hendingini, og herfyri kunngjørdi leiðarin, at stór framstig vóru gjørd.

Greið vitan

- Vit halda okkum nú hava eina greiða vitan um, hvussu Madeleine varð rænd, og eisini halda vit okkum vita, hvør rændi hana, sigur leiðarin, Andy Redwood, við norska blaðið Verdens Gang.

Tað eru seks ár síðani Madeleine hvarv, tá hon saman við foreldrunum helt summarfrí í Portugal. Scotland Yard hevur avhoyrt fleiri enn 400 fólk í málinum, bæði í Bretlandi og í øðrum londum, og tað tykist hava borið ávøkst, sigur kanningarleiðarin.

Madeleine hvarv í Portugal 3. maí í 2007.

Er kopiera
Nýggjastu sendingar í ÚV
Nýggjastu sendingar í SV
Sunnudag 27. apríl
Møti í Berøa í Saltangará.
191117
Sunnudag 27. apríl
Andakt
191114
Leygardag 26. apríl
Sement-finalan 2025
191109
Fríggjadag 25. apríl
KAKUMiKS (4:7)
191050