Seldu olju fyri 785 miljónir fyrra hálvár

Faroe Petroleum seldi olju fyri 785 mió. kr. fyrra hálvárið, sum eru 14 milliónir minni enn í fjør.

Úrslitið eftir skatt og útreiðslur til leitingar var 107 milliónir, sum er nógv betri enn í fjør. Tá var úrslitið fyrra hálvár 32 milliónir krónur.

Felagið hevur 587 milliónir í tøkum peningi, tá skuldin er frároknað. Felagið kann læna upp í 1,4 mia. kr.

Og í desember fær felagið 487 milliónir krónur aftur í skatti úr Norra, har sum felagið er sera virkið.

Leitingarnar í ár og næsta ár eru allar fíggjaðar, upplýsir Faroe Petroleum.