Fýra leiðir hjá Bygdaleiðum koyra aftur

Strandferðslan bant um heilan fingur í morgun og avlýsti alla koyring hjá Bygdaleiðum, men nú eru betri líkindi, og leið 100,101,300 og 400 eru farnar at koyra, upplýsir Jens Petur Brattalíð, ferðslusamskipari.

Strandfaraskipini sigla eftir ferðaætlanini. Sam fer fyrsta túrin av Klaksvík klokkan 10, og Smyril fer fyrsta túr av Krambatanga eisini klokkan 10.

Fleiri skúlar hava avlýst skúlagongdina fyri veður í dag. Teir eru Runavíkar kommunuskúla, Sandoyar Meginskúli, Fuglafjarðar skúli og Studentaskúlin og Handilsskúlin á Kambsdali.