Blokkurin verður viðgjørdur á tingi í dag

Blokkurin næstu trý árini verður viðgjørdur á tingfundinum í dag.

Landsstýrið og danska stjórnin eru vorðin samd um, at ríkisveitingin í 2014, 2015 og 2016 verður tann sama sum í ár, men tó prístalsviðgjørd hvørt ár sambært danska prístalinum.

Blokkurin verður 635,4 mió. kr. næsta ár, 3,2 mió. kr. størri enn í ár.

Fyri í fólkatinginum

Fólkatingið hevur longu havt fyrstu viðgerð. Har tóku allir flokkar undir við uppskotinum.

Uppskotið um ríkistveitingina er nú í Føroyanevndina, sum skal vera liðug við sítt álit í dag. Onnur viðgerð verður í fólkatinginum hósdagin í næstu viku og triðja viðgerð 17.desember.

Níggju onnur mál eru á dagsskránni fyri løgtingsfundin í dag, sum verður settur klokkan 11.00.