Broytingar verða í donsku stjórnini

Ikki bert sessurin hjá Morten Bødskov, løgmálaráðharra, skal mannast av nýggjum.

Helle Thorning-Schmidt, forsætisráðharri, sum var við til minningarhaldið fyri Nelson Mandela í Suðurafrika í gjár, kemur heimaftur í dag.

SF umhugsar at skifta onkran av sínum ráðharrum, og enn einaferð verður nevnt, at Villy Søvndal, uttanríkisráðharra, skal hava ein avloysara. 

Søvndal er sjúkraskrivaður í løtuni, men fer eftir ætlan aftur til arbeiðis 20. desember.

Umhugsa sessin hjá uttanríkisráðharranum

Men sambært politisku eygleiðarunum á Christiansborg verður umhugsað, um SF skal varðveita uttanríkisráðharrasessin í stjórnini.

Men sambært upplýsingunum er eingin avgerð tikin enn.