Roynist illa hjá útróðrarflotanum

- Desember í fjør royndist so illa til veður, at eg minnist valla vánaligari desember. Og sama harða veðrið hevur hildið á allan januar eisini.

- Sera stutt hevur verið ímillum lágtrýstini og vit hava havt liggjandi lágætt við nógvum vindi og regni.

Tað sigur skiparin á útróðrarbátinum Kallanesi, Eyðólvur Vang, við Norðlýsið.

Størru útróðrarbátarnir hava ligið úr minni enn trýtusund pundum og upp í áttatúsund pund onkran hendinga túrin og tað gevur ov lítið.

Tað, sum kanska er eitt sindur hugaligt, er, at botnfiskurin sýntist standa sera neyvt í fjør, ímeðan tað í ár tykist sum um fiskur er at fáa nógvastaðni.

- Seinastu túrarnar hava vit fingið millum 4 og 6.000 pund, og tað er ov litið til at manningin fær nøktandi inntøku.

Nú verða kassarnir norðanfyri stongdir aftur, so tað sær onki út fyri framman heldur, sigur Eyðólvur Vang við Norðlýsið.