Skal sita til 6. mars

Maðurin, sum er 47 ára gamal, er ikki í varðhaldinum í Mjørkadali.

Hann er innlagdur á Psykiatriska deplinum í Havn, og tað hevur hann verið, síðani hann varð tikin 11.januar.

Ikki er greitt, hvørja støðu, skuldsetti maðurin hevur til skuldsetingina um drápsroynd.

Maðurin er skuldsettur fyri at hava stungið ein 52 ára gamlan mann við einum køksknívi.

Tað hendi í einari íbúð í Vesturbýnum í Havn.

Menninir báðir búgva í somu íbúðarlonini.

Skuldsetti maðurin skal mentalkannast.

Og ákærurit verður ikki skrivað, fyrr enn mentalkanningin er liðug.

Maðurin, sum varð stungin, er sloppin heim av sjúkrahúsinum.