Tveir føroyingar undir illgruna fyri barnaporno

<p>Løgreglan gjørdi í síðstu viku húsarannsóknir í tveimum húsum í Føroyum. Illgruni er um, at tveir føroyingar hava havt samband við hvønn annan umvegis teldu og hava havt barnapornografiskt tilfar á teldunum hjá sær.</p>

<p>Annar føroyingurin býr í Føroyum, og hin býr í Danmark. Rannsóknir vórðu gjørdar í samstarvi við løgregluna í Danmark, sum samstundis gjørdi húsarannsókn á einum bústaði har.</p>

<p>Jón Klein Olsen, varapolitikommisserur, sigur, at hald varð lagt á alla telduútgerð, sum varð funnin undir húsarannsóknini. Serkøn skulu nú kanna útgerðina fyri at staðfesta, um menninir hava keypt og selt barnapornografiskt tilfar.</p>