12 fjallaklintrarar deyðir í skalvalopi

Hægsta fjall í heiminum, Mount everest, er í morgun rakt av ringastu vanlukkuni í søguni. 12 fjallaklintrarar eru deyðir eftir eitt skalvalop.

Fólkini, sum doyðu, eru teir sonevndu sherpa´irnir - tað eru lokal fólk, sum gera ruturnar niðan á Mount Everest og sum hjálpa ferðafólki niðan á Mount Everest.

Sherpa´irnar vóru í ferð við at fyrireika rutuna niðan á Everest, tá skalvalopið kom á teir.

Føroyingur á veg niðan

Tann ringasta vanlukkan á Mount Everest undan hesari var í 1996, tá átta fólk lótu lív í illveðri. 

Føroyingurin Arne Vatnhamar er í løtuni á veg niðan á Mount Everest, men sum skilst er hann ikki í økinum, har skalvalopið var.

Síðan 1953, tá fyrstu fólkini komu niðan á Mount Everest, eru yvir 300 fólk deyð í royndini at koma sær niðan á fjallið.

Mynd: www.kailashjourneys.com