Skipari á vanlukkuferju ákærdur

Skipari á vanlukkuferju ákærdur
Skiparin á koreansku ferjuni, ið sakk 16. apríl, er nú ákærdur fyri manndráp, skriva koreanskir miðlar
Lee Joon-Seok (í miðjuni), skipari á suður koreansku ferjuni, ið sakk 16. apríl, er nú ákærdur fyri manndráp, tí hann rýmdi av skipinum, tá tað sakk
Mynd: AP  
 
15.05.2014 - 15:05

<p>68 ára gamli skiparin, Lee Joon-Seok, er ákærdur fyri at rýma av søkkandi skipunum, samstundis sum hann gav ferðafólkunum boð um ikki at fara av skipinum, sigur koreanska tíðindastovan Yonhap.</p>

<p>281 ferðafólk lótu lív 16. apríl, tá ferjan koppaði. 23 fólk eru ongantíð komin afturíaftur. Flestu ferðafólkini vóru miðnámsskúlanæmingar, sum vóru á veg út á eina frítíðaroyggj.</p>

<p><strong>Fleiri av manningini á ákærubeinkinum</strong></p>

<p>Skiparin er ikki einsamallur á ákærubeinkinum. Maskinmeistarin og fyrsti og annar stýrmaður eru eisini ákærdir fyri manndráp. Revsingin er í ringasta føri lívstíð, verða teir dømdir sekir.</p>

<p>11 aðrir av manningini eru ákærdir fyri vansketni. 172 av ferðafólkunum sluppu frá vanlukkuni við lívinum. Skipið sakk, tá tað av ókendum orsøkum brádliga fór í annað borðið.</p>

<p>Hálvtómir barlasttangar og farmur rósaðu, og tí holvdist skipið, vísir ein kanning, sum myndugleikarnir hava gjørt.</p>

Er kopiera
Nýggjastu sendingar í ÚV
Mánadag 24. februar
Nú styttist av álvara til kappingarbyrjan
188212
Sunnudag 23. februar
Guðstænasta Í Norðskála kirkju
188169
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151