ES-milliónir til Ukraina

<p>Hetta er fyrsta gjaldið í einum lánspakka, sum væntandi verður goldin næstu vikurnar. ES játtaði í mars Ukraina 12 milliardir krónur í fíggjarligum stuðli, men bíðað hevur verið eftir, at ukrainsku myndugleikarnir gjørdu avtalu við altjóða gjaldoyragrunnin, IMF.</p>

<p>Avtalan við altjóða gjaldoyragrunnin, IMF, er nú fingin í lag, men avtalan skal eisini góðkennast í ukrainska tinginum. Tá tað er gjørt, verða tær umleið 750 milliónir krónurnar útgoldnar Ukraina.</p>

<p>Virkandi ES-nevndarlimurin í búskaparmálum, Siim Kallas, hevur verið í Ukraina og havt fund við myndugleikarnar har um búskaparliga stuðulin og nýskipanirnar, sum eru treytin fyri hjálpini úr ES.</p>