Ísland: Misskiljing, at nógv nøvn verða vrakað

Ísland: Misskiljing, at nógv nøvn verða vrakað
Vit góðkenna nógv, og vraka fá, sigur forkvinnan í íslendsku navnanevndini, Ágústa Þorbergsdóttir
 
13.07.2014 - 15:41

Nógv kjak hevur verið í Íslandi um íslendsku navnalóggávuna seinastu tíðina í samband við, at ein 15 ára gomla Blær Bjarkadóttir vildi hava navn sítt skrásett hjá íslendska fólkayvirlitinum. Hon hevur alt sítt lív itið "genta" Bjarkadóttir, tí navnið er ikki í samsvar við navnalóggávuna.

Og í farna mánaði var eitt líknandi mál, har ein 10 ára gomul genta ikki sleppur at eita Harriet. Málið kom fram, tí Harriet skuldi hava pass, men fekk tað ikki, tí myndugleikarnir útflýggja ikki pass til persónar, sum ikki hava góðkent navn.

Smidlig navnalóg

- Okkara ynski er, at flestu nøvn verða góðkend. Lógin er smidlig, og flestu nøvn verða eisini góðkend, og fá verða vrakað, sigur forkvinnan í íslendsku navnanenvdini, Ágústa Þorbergsdóttir, í samrøðu við Morgunblaðið.

Nevndin góðkendi herfyri fornøvnini Krumma, Gill, og Christa við C, og millumnavnið Eskfjørð. Hinvegin vann fornavnið Íshak ikki frama í navnanevndini og varð vrakað, tí tað fylgir ikki við íslendsku navnalóggávuna, skrivar Morgunblaðið.

Er kopiera
Nýggjastu sendingar í ÚV
Týsdag 25. februar
Breddin: Trý ár við kríggi
188252
Týsdag 25. februar
Góðan morgun Føroyar
188242
Týsdag 25. februar
Morgunlestur týsdagur 25. februar 2025
187864
Mánadag 24. februar
Leon Sólheyg: Koyggjan var uppihaldsrúmið
188223
Nýggjastu sendingar í SV
Týsdag 25. februar
Veðrið
188278
Týsdag 25. februar
Dagur og vika við 3-2 - teknmálstulkað
188272
Týsdag 25. februar
Danny og bussførari
187889
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164