Nógv minni uppsjóvarfiskur higartil enn í fjør

Nogv minni er higartil fiskað av makreli og norðhavssild í ár enn hesa tíðina í fjør.

15.000 tons av makreli eru fiskað higartil í ár. Tann 6.august í fjør var makrelveiðan komin upp í 55.000 tons sambært tølum hjá Vørn.

Knappliga 1200 tons av norðhavssild eru fiskað í ár. Í fjør var talið 33.400 tons.

Fiskiskapurin byrjaði nógv seinni í ár, og í fjør var sildakvotan nógv størri enn hon er í ár.

Og í ár sleppa skipini eisini at fiska aðra staðni enn í føroyskum sjógvi. Tí hevur tað ikki skund at fiska, meðan fiskurin er í føroyskum sjógv. 

Mett verður eisini, at betri prísur fæst fyri makrel, sum verður fiskaður í norskum sjógvi í heyst.