Roykbumbur í Ferguson

Løgreglan í býum Ferguson í amerikanska statinum Missouri hevur blakað roykbumbur eftir mótmælisfólki, ið ikki virða útgongubannið, sum guvernørurin í statinum setti í gildi á miðnátt, skriva tíðindastovurnar úr amerikanska býnum.

Eitt mótmælisfólk varð sært av skotum frá løgregluni í morgun, og sjey fólk vórðu handtikin.

Mótmælisfólk hava verið á gøtunum í Ferguson síðan seinasta leygardag, eftir at løgreglan skjeyt og drap ein 18 ára gamlan littan drong. Mótmælisfólkini halda, at løgreglan skjeyt drongin, tí hann var littur.

Enn er tó ógreitt, hvat ítøkiliga fór fram, tá drongurin varð skotin.