Politiið í Reykjavík kannar stórt rúsevnismál

Politiið í Reykjavík kannar í løtuni eitt stórt rúsevnismál, sum byrjaði í november.

53 kilo av hassji og níggju litrar av kokainløgi vóru í tveimum bilum, sum komu til Íslands við Norrønu.

Politiið elti bilarnar og tók fýra menn, bilførarnar og tveir menn, sum tóku í móti rúsevnunum. 

Málini hava ikki samband hvørt við annað.

Fýra menn tiknir

Tríggir menn eru tiknir í øðrum málinum og ein í hinum.

Teir eru allir útlendingar og tykjast ikki at hava nakað samband við Ísland, skrivar Austurfrétt.

Trý onnur rúsevnismál eru í Íslandi í løtuni.

10 kilo av hassji, 15 kilo av ketamini og fimm kilo av MDMA, sum komu til Íslands við Norrønu, eru tikin í teimum málunum.